ملٹھی کے خواص | ملٹھی کا استعمال

 🌹﷽🌹

 

🌺ملٹھی کے فوائد

ملٹھی کارنگ۔ 

سیاہ

ذائقہ ۔

میٹھا

مزاج ۔

گرم و خشک

مقدار خوراک ۔

ایک گرام سے 3 گرام تک

افعال و استعمال ۔

اس کو زیادہ تر کھانسی کے مرکبات میں استعمال کرتے ہیں ، دمہ کھانسی ، حلق کی خرخراہٹ اور معمولی نزلے کو مفید ہے 

معدے کی سوزش اور پیاس کو مفید ہے ۔

ملٹھی کو دنیا کا اہم ترین پودا تصور 

کیا جاتا ہے۔ اُردو میں اسے ملٹھی کہتے ہیں۔

 ملٹھی عرب،ترکستان اور افغانستان میں عام پائی جاتی ہے۔ پاکستان میں صوبہ بلوچستان اور چترال کے علاقے میں قدرتی طورپر دنیا کی ملٹھی پائی جاتی ہے جبکہ بیشتر ممالک مثلاً عراق،اسپین،یونان،چین اور اٹلی میں بڑے پیمانے پر تجارت کے لیے کاشت کی جاتی ہے۔

 اسپین میں ملٹھی کو پہلی بار تیرہویں صدی عیسوی میں کاشت کیا گیا جبکہ برطانیہ میں اس کی کاشت سولہویں صدی میں شروع کی گئی۔قدیم زمانے ہی سے ملٹھی کو جڑ کو استعمال کیا جارہا ہے

روم کی تاریخ سے معلوم ہوتا ہے کہ چوتھی صدی میں ملٹھی کو بطور دوا استعمال کیا جاتا تھا اور کہا جاتا تھا کہ اس کی جڑ پیاس کو ختم کرنے میں جادوئی تاثیر رکھتی ہے اور اس کی جڑ چوسنے کے بعد انسان بغیر پانی کے بارہ دن تک زندہ رہ سکتا ہے۔ 

ارسطو بھی ملٹھی کی جڑ کو پیاس کم کرنے اور شوگر میں مفید بیان کرتا ہے۔ قدیم چینی علم الادویہ میں بھی ملٹھی کو پیاس،کھانسی،بخار، درد ضیق النفس میں استعمال کیا جاتا تھا اور اس کا مسلسل استعمال عمر میں اضافے کا باعث سمجھا جاتا تھا۔

 گلاسیرایزین شکر سےکئی گنا زیادہ میٹھا ہوتا ہے۔ملٹھی اپنی گرم خاصیت کی بنا پر سوداوی امراض مثلاً بواسیر،تپ کہنہ اور دمہ خشک میں استعمال کی جاتی ہے اور یہ اپنی محلل غشاء مخاطی خاصیت کی بدولت دقت بول،تقطیرالبول،سوزاک اور قروح الحلیل کی بیماری میں بھی مفید ہے

اس کے علاوہ ملٹھی کا استعمال یرقان میں آنکھوں کی زردی ختم کرنے میں مدد دیتا ہے 

ملٹھی کا مسواک بناکر استعمال کرنے سے دانت صاف اور منہ خوشبودار اور گلا صاف ہوتا ہے آواز بھی صاف سورلی نکلتی ہے 

اس کا جوشاندہ پینے سے بذریعہ قے بلغم خارج ہوتا ہے اور پھیپھڑے کی نالیاں صاف ہو جاتی ہیں۔ قے نہ آنے کی صورت میں بذریعہ دست پیٹ صاف ہو جاتا ہے اور سینہ و حلق کی ترشی زائل ہوجاتی ہے۔ ملٹھی اپنی مخرج صفرا خاصیت کی وجہ سے پیچش، یرقان،ورم صفراوی میں مفید ہے

یورپ میں السر کے علاج کے لیے ملٹھی استعمال کی جاتی ہے۔ جدید تحقیقات سے ثابت ہوا ہے کہ معدے کے زخمی خلیوں کو ٹھیک کرنے میں ملٹھی مدد دیتی ہے۔ اس کے علاوہ ملٹھی کا استعمال ہاتھ پاؤں کی جلن اور اخراج خون میں فائدہ مند ہے۔ نیز ٹی بی،ورم ہرقسم،ورم گردہ،پتے کی پتھری اور آماس کے لیے بہترین ہے